MAZEDONIA

MARTXOAREN 22AN, PASADAN ASTEARTEAN, MAZEDONIA GOXOA PRESTATU ETA JAN GENUEN.

MAZEDONIAREN ERREZETA:

    1 - OSAGAIAK ETA TRESNAK: BATETIK, SAGARRAK, UDAREAK ETA PLATANOAK; ETA BESTETIK, ONTZI HANDI BAT ETA 8 LABANA.

     2 - EGITEKO ERA:

          FRUITUAK ZURITU.

       FRUITUAK ZATITU.

     3 -  ETA AZKENIK, JAN.

     ON EGIN!

     

JOAN DEN NEGUAN ...

JOAN DEN NEGUAN TTANTTO MARIGORRINGOAK HAINBAT JARDUERA BURUTU GENITUEN:

1 - LEIHOAK APAINTZEKO ELUR MALUTAK ZULATU GENITUEN.

2 - URAREN EGOERA EZBERDINAK AZTERTU GENITUEN: 

     + KUBITERA UR LIKIDOAZ BETE ETA IZOZKAILUAN SARTU GENUEN.

     + HURRENGO EGUNEAN URA IZOZTUTA ZEGOEN.

     + KUBITERATIK IZOTZ ZATIAK ATERA ETA UKITU GENITUEN. OSO HOTZAK ETA GOGORRAK ZEUDEN, ETA GURE ESKUEN BEROTASUNAREKIN URTZEN HASI ZIREN, ESKUAK BUSTIAK BAITGENITUEN.

     + ONDOREN, IZOTZ ZATIAK ZARTAGIAN SARTU ETA BEROTZEN IPINI GENITUEN. IZOTZA, BEREHALA URTU ETA URA LURRUNDU ZAN.

3 - TEKNIKA EZBERDINAK ERABILIAZ, ELURREZKO PANPIN BAT EGIN GENUEN.

4 - NEGUKO IRTEERA EGIN GENUEN.

     URTARRILAREN 17AN BERASTEGI INGURUAN IRTEERA BAT EGIN GENUEN, NEGUKO EZAUGARRIAK IKUSTEKO ASMOZ. HORRETARAKO ARROPA APROPOSA JANTZI (JERTSEA, BEROKIA, TXANOA, BUFANDA, …) ETA ABIATU GINEN.

     BIDEAN JABETU GINEN NEGUAK HONAKO EZAUGARRI HAUEK DITUELA:

     · HOTZA EGITEN DU.

     · ARROPA ASKO JAZTEN DUGU.

     · ZUHAITZA GEHIENAK BILUZIK DAUDE.

     · KALEAN JENDE GUTXI DABIL.

     · ETXEETAKO BALKOI ETA LEIHOETAN EZ DA IA LANDARERIK IKUSTEN.

     BIDEAN LUISITOREKIN TOPO EGIN, KONTUTAN ARITU ETA BERE   BARATZEAN NEGUAN BILDU ETA EREITEN ZITUEN BARAZKIAK IKUSI GENITUEN. HONAKO HAUEK ZIREN:  AZAK, AZALOREAK, BRUSELAKO AZAK, ESPINAKAK, ZERBAK, PORRUAK, KALABAZAK, ESKAROLA ...

     HOOOTZA EGITEN ZUEN, GAUZA ASKO IKASI GENITUEN ETA PRIMERAN PASA GENUEN.

SAHARAREN ALDE LAGUNTZA

URTARRILEAN, SAHARAREN ALDE, ELIKAGAI, HIGIENE PRODUKTU ETA ESKOLA MATERIALA BILDU DITUGU.

TTANTTO MARIGORRINGOEN ETXEA

AZAROAN ETXEA ETA FAMILIA GAIA LANDU GENUENEAN, KARTOIAREKIN ETXE BAT EGIN GENUEN. HORRETARAKO ETXEAK ZITUEN GELA EDOTA ESPAZIO EZBERDINAK ETA BERTAN EGOTEN ZIREN ELEMENTUAK AIPATU GENITUEN.

ONDOREN KARTOIZKO KAXAK EKARRI, MOZTU, PARETAK MARGOTU ETA ETXEA ERAIKI GENUEN, LEIHO ETA GUZTI.

BUKATZEKO, ETXEKO GELAK MARRAZKIAK, TAPOIAK, TAPAK, KORTXOAK, ESPONJAK ... ERABILIAZ APAINDU GENITUEN.

ETXE BIKAINA BENETAN!

GORPUTZALDIAK: "AUTOKONTZIENTZIA"

ASTELEHENETAN, 11:45ETAN GIMNASIORA JOAN ETA JOLASAK, JOLAS KOOPERATIBOAK EGITEAZ GAIN, GORPUTZALDIKO ARIKETAK BURUTZEN DITUGU.

OTSAILAREN 6AN, AUTOKONTZIENTZIAKO 1.GO SAIOA BURUTU GENUEN. BETI BEZALA, SAIO HASIERAN, BOROBILEAN ESERITA, AURREKO SAIOA BIRGOGORATU GENUEN ETA SAIO AMAIERAN, ARIKETAK GUSTUKOAK IZAN ZITUZTEN, ZEIN IZAN ZUTEN GUSTUKOENA ... ADIERAZI ZUTEN.

HONA HEMEN BURUTU GENITUEN ARIKETAK:

• BEROKETA:  ARNASKETA

• GARAPENA I:  MASAJEA EDOTA ANIMALIA EZBERDINEN OINATZAK ESKUEN BIDEZ 

• GARAPENA II:  DANTZA GORPUTZ ATALEN BIDEZ

OSO GUSTURA IBILI GINEN ETA ARRAKASTA GEHIEN IZAN ZUEN ARIKETA, ZALANTZARIK GABE, PUXIKARENA IZAN ZEN.

BIDEO EMANALDIA

ASTEAZKENERO, MUSIKA GELARA JOAN ETA ARBELA DIGITALEAN BIDEO EZBERDINAK (HARTZ TXIKI, PINGU, ANTZERKIAK, GAIAREKIN ZERIKUSIA DUTENAK, BLOGAK, HEZKIDETZAKOAK ...) IKUSTEN DITUGU.

OSO GUSTUKOAK DITUGU!

TTANTTOREN ZOOA

AZARO INGURUAN, 5. ETA 6.MAILAKO IKASLEEK ZOO BAT EGIN ETA OPARITU EGIN ZIGUTEN.

TTANTTO MARIGORRINGOEI ZOOA IKARAGARRI GUSTATU ZAIGU. HOR GABILTZA, ERAIKUNTZA TXOKOAN, EGUNERO ZOOKO ANIMALIEKIN JOLASTEN.

MILA ESKER OPARIARENGATIK!

AUPA 5. ETA 6. MAILAKO IKASLEAK!

GABONAK

ABENDUAN ESKOLAKO SARRERA APAINDU ETA OLENTZERO ETA MARI DOMINGIRI GABON KANTAK ABESTU GENIZKIEN.

ABENDUAREN 23AN GABONETAKO JAIALDIA OSPATU GENUEN, ARTZAI-ANDREZ JANTZITA ETORRI ETA HIRU TXERRIKUMEEN KANTA ABESTU GENUEN.

JAIALDI EMANALDIA IKUSI ETA ONDOREN, HAMAIKETAKOA EGIN GENUEN.

OSO GOXOA ZEGOEN.

BUKATZEKO OLENTZERO ETA MARI DOMINGI EUREN LAGUNTZAILEEKIN ETORRI ZIREN. GABON KANTAK ABESTU GENIZKIEN ETA GELAZ GELA OPARIAK BANATU ZITUZTEN.

EGUN ZORAGARRIA IZAN ZEN.